Manifestu de sa lista scrieus.in@sardu.net
Sa lista de spainamentu (mailing list)
scrieus.in@sardu.net
d'ant apariçada is ki trabàllant in is jassus
comitau.org,
artivu.com,
sardu.net po ajudai
sa genti a imparai a-i scriri in sardu,
manigendi sa grafia sarda autònoma.
In custa lista eis a porri circai ajudu po kistionis de gramàtiga, de grafia,
de tradusidura, de noulogismus, e aici nendi.
Kistionis de imparu a banda, is allistaus ant a porri:
- arriciri informus a pitzu de is ajorronamentus de is jassus comitau.org,
artivu.com, sardu.net;
- arriciri noas a pitzu de acorrus, espressadas, librus e de atras cosas in
lìngua sarda;
- kistionai de is logus e de su connotu de sa Sardinnya.
Cunsillus e amonestus
- At'essi agradèssia donnya bariedadi de sa lìngua sarda.
- Is ki no funti bonus a-i scriri in sardu ant a porri scriri comenti di parit,
ma ant a depi amostai de bolli imparai deaderus a-i scriri in sardu.
- Donnya allistau at a depi scriri tenendi bonas maneras.
- No eus a baliai sa genti malacostumada.
