|
Po cunvèniu
intrenatzionali s'ora ufitziali mùdat donnya 15 gradus de àngulu de longària ca a sa terra d'anti spartzia in 24
fitas, est a nai una fita po donnya ora (360°/24 = 15°).
A s'àngulu de su meridianu di naraus àngulu de longària.
Po du nai pretzisu, s'àngulu de longària est su tretu angulari intr''e unu
meridianu e su meridianu de 0 gradus.
Sa fita orària de su meridianu de 15 gradus Esta, ki est su
meridianu ki nci pàssat in s'Etna e ki si dònat s'ora ufitziali, àndat de 7°30'Esta a 22°30'Esta. Sa
fita orària de su meridianu de 30 gradus àndat de 22°30'E a 37°30'E, sa de 45 gradus àndat de 37°30'E a 52°30'E, e aici sighendi po totu is atrus, boghendi e açungendi 7°30' a su
meridianu ki est a tzentru de sa fita.
Eus nau jai ki is meridianus jogràfigus funti 360 cant''e a is gradus, ma
tòcat a-i sciri puru ki bèninti numeraus de 0 a 180 gradus Esta (de s'Inghilterra
faci a s'Àsia) e de 0 a 180 gradus Oesta (de
s'Inghilterra faci a s'Amèrica).
Duncas sa fita orària de su meridianu de Greenwich àndat de 7°30'Oesta a 7°30'Esta, e sa
fita orària de su contrameridianu suu, su meridianu de 180°, àndat de 172°30' Oesta a 172°30' Esta.
A su meridianu de 180 gradus di nanta puru lìnia de mudamentu de sa
di' ca passendi de sa Sibèria a s'Alaska, duncas barighendiddu de Oesta a Esta, torraus agoa de una di'. Fendi a s'imbessi, est a nai barighendiddu de
s'Alaska a sa Sibèria, andaus a innantis de una di'.
|
Is cuatru puntus càncarus