Scrii a www.sardu.net
 

Poni www.sardu.net
a pāgina de cumentzu
Beni bčnniu ųrtimu ajorronamentu: 30/07/06
Domu| Arrecensiduras| Artėculus| Calendāriu| Cantadas| Coxina| Fueddārius| Fumixeddus| Ideas| Literadura| Mexina| Naturalesa| Presentadas| Scčntzia|
Jografia astronōmiga

Is cuatru puntus cāncarus
Meridianus e Parallelus
Eratōstene: cōmputu de sa circunferrčntzia de sa terra
Fitas orārias
S'ora ufitziali e s'ora de logu
Fabricaus una meridiana
Fueddāriu scentėfigu
 
cun is fueddus ki eus umperau 
  in custa māngara


 de Danieli Sanna
Meridianus e Parallelus

Meridianus jomčtrigus e jogrāfigus

     Su meridianu jomčtrigu est unu circu ki s'agātat pensendi de intresegai sa terra cun d-unu pranu ki nci pāssat in sa lėnia de arrodiamentu. Is meridianus jomčtrigus funti disfinius de nųmuru e agualis intr''e issus.
     In jografia si manėjat su meridianu jogrāfigu ki est unu mesu circu ki āndat de su polu Nordu a su polu Suddu, e su contrameridianu ki est su mesu circu ki s'agātat a s'atra parti de su meridianu jogrāfigu (a 180 gradus).
     Su meridianu jogrāfigu a 0 gradus, ditzėdiu de unu cunvčniu intrenatzionali, est su ki nci pāssat in Greenwich. A su meridianu jogrāfigu ki s'agātat a s'atra parti, su de 180 gradus de āngulu de longāria, di naraus ki est su contrameridianu de su meridianu de 0 gradus.
     Partendi de su meridianu de Greenwich, po donnya gradu du at unu meridianu jogrāfigu, duncas in totu funti 360.

Parallelus

     Su parallelu est unu circu ki s'agātat pensendi de intresegai sa terra cun d-unu pranu ortogonali a sa lėnia de arrodiamentu.
     Is parallelus jomčtrigus funti disfinius de nųmuru e agualis a duus a duus intr''e issus, francu su ki nci pāssat in s'ecuadori e ki est su circu prus mannu. A s'ecuadori di naraus parallelu de fundōriu
     Su tretu ki du at de s'ecuadori a su polu Nordu est aguali a su tretu ki tenit cun su polu Suddu, duncas est atesu-paris de is polus e sčgat sa terra in duas mesusferas: sa de Nordu, sa mesusfera boreali, e sa de Suddu, sa mesusfera australi
     Is parallelus andendi concas a is polus funti sempri prus piticus finsas a benni unu puntu in is polus e totu.
     Po cunvčniu intrenatzionali su parallelu de s'ecuadori est a 0 gradus, duncas is polus funt a 90 gradus. A s'āngulu de su parallelu formau de su pranu de s'ecuadori cun sa lėnia ki āndat de unu puntu de sa terra finsas a su tzentru de sa terra e totu, di naraus āngulu de ladāria.
     Podeus nai puru ki s'āngulu de ladāria est su tretu angulari intr''e unu logu e s’ecuadori mesurau a pitzu de su meridianu ki nci pāssat in su logu e totu.
     In su mesusferu de Nordu teneus āngulus de ladāria Nordu (su tzentru de sa Sardinnya est prus o mancu a 40°N) mentras in su mesusferu de Suddu teneus āngulus de ladāria Suddu.