A bortas connosceus su nòmini de unu pisci o de unu pilloni in sardu e no du connosceus in italianu, e mancai du traduseus pari pari ("pisci urrei = pesce re" imbeças de nai "donzella"); a bortas du connosceus in italianu e du bortaus pari pari in sardu ken''e circai ki nci siat o mancus su nòmini in sardu ("occhiata = oghiada" imbeças de nai "orbada"). 

  A s'acabada su ki ndi bessit est ki no scieus ni su sardu ni s'italianu e d'acabaus kistionendi in su ki nanta su "strikipuddatzu". 

  Donnya lìngua tenit is nòminis suus, e in sardu teneus su nòmini po donnya calidadi de bèstia, de pranta, e de totu su ki s'arreferit a sa naturalesa. 

  Cun custa màngara boleus circai de fai connosci is nòminis in sardu, ma puru in italianu, in ingresu e in atras lìnguas, impari a is nòminis scentìfigus