Scrii a www.sardu.net
 

Poni www.sardu.net
a pàgina de cumentzu
Beni bènniu ùrtimu ajorronamentu: 02/10/06
Domu| Arrecensiduras| Artìculus| Calendàriu| Cantadas| Coxina| Fueddàrius| Fumixeddus| Ideas| Literadura| Mexina| Naturalesa| Presentadas| Scèntzia|
  Sinnalaus   

  Ùrtimus ajorronamentus:
Artìculus:
 -
"Sa festa de su pani" 
 - "Sàrdara, bidda mia"
de G.Pàulu Pisu
Literadura: 
- contu "Deus Ex-Machina" de Gigi Carreras

Mexina: 
- "It'est s'arteriosclerosi" de Stèvini Kerki
- "S'umperu de is mexinas in is fèminas prinjas" de Arricardu Serreli


proposta de ortografia
e de polìtiga linguìstiga
Fueddàriu Sardu-Italianu
de scarrigai a donu de su jassu www.comitau.org

Sa lista de spainamentu
(mailing list) de sardu.net 
>ligi su manifestu<

Su jogu de su barrallicu
po jogai a Paskixedda e in totu is festas

Dogumentus:  
- "S'istòria de su flamenco" de Dàrio Piga

Su Vangelu de Juanni:
1:1-51, 2:1-25, 3:1-36

Is Mutigonis   fumixeddus po s'allirgai e po imparai su sardu
Allui su contu: cursu de lìngua sarda in s'arretza e in s'arràdiu, pensau po is pipius ma bonu po is mannus puru
NO' a s'àliga arràdiu-ativa! poneus sa firma nosta in sa lìtera de Tiscali
Sa scomùniga de Predi Antiogu arretori de Masuddas
VITAMINIC Talloru: ballus sardus a ghitarra in formau mp3
 de Arricardu Serreli
Is endemismus

  Endemismu bolit nai "spètzia" o "sutaspètzia" de mata o de animali ki podit bivi in tzertus logus sceti e ki a foras de custus no s’agàtanta. Dus podeus scedai in "paleoendemismus" e in "nouendemismus": is paleoendemismus ndi bèninti de spètzias antigas ki si funti spaçadas, mentras is nouendemismus funti nasçus de prus pagu tempus. 

  Is arrexonis ki is endemismus nàscinti, funti medas e a bortas funt amisturadas a pari: una esti sa presèntzia de unu logu serrau cun làcanas ki funti traballosas a barigai, comenti podint essi su mari, is montis, is frùminis etc., e taliorta funti logus ki tenint o anti tentu mudàntzia de tempus (sicori, proidura etc.). 

  Duncas do-i funt endemismus sardu-corsus, sardu-sicilianus, sardu-tirrènicus, sardu-corsu-balearis e prus de totu sardu sceti; a intr''e s'ìsula nosta do-i funti atras "ìsulas", logus piticus e pitikeddus puru anca bivint unus cant''e endemismus.

  Sa Sardinnya tenit prus de duxentus matas endèmicas ki funt unus 10% de sa frora sarda, ki est una cantidadi manna ki d’acaraus cun s'Italia: sa Centaurea horrida, una matixedda spinosa, antiga meda, ki bivit a Cab' 'e Cassa, Istintinu, Taulara e s’Asinara sceti;
  
Centaurea horrida

  su Ribes sandalioticum ki bivit in su Gennargentu e in calincun’atru monti o su Ribes sardoum ki bivit in su monti Corrasi (Olìena) sceti; s’Aquilegia barbaricina d’ant’agatada acant''e a calicun’arritzolu de su monti Spada, s’Aquilegia nuràgica a Gorropu sceti; su linu Linum muelleri bivit in is cucureddus de s’Igresienti; sa pruinca Vinca sardoa inveças s’agàtat acant''e is biddas puru. Duncas esemprus ndi podeus fai medas.

  Intr''e is animalis anfìbius ki bivint in Sardinnya sceti, teneus su Euproctus platycefalus e cuatru spètzias de Speleomantes "Geotritonis" (in nugoresu tataruledda ‘e grutas); s’arrana birdi Hyla sarda e s’arrana de sicu Discoglossus sardus funti endemismus de su Tirrenu.

Euproctus platycephalus

Speleomantes genei

  In mes''e sa tzèrpia nci teneus otu endemismus, cuatru funti de sa Sardinnya sceti: sa satzaluga Chalcices ocellatus tiligugu (tiligugu du nanta in logudoru), sa pìbera di akua Natrix natrix cetti e is duas sutaspètzias de sa calixerta Podarcis tiliguerta, sa Podarcis tiliguerta toro ki bivit in s'isuledda "il Toro" e sa Podarcis tiliguerta ranzii ki bivit in s'isuledda "Molarotto" (su nòmini "tiliguerta" in logudoresu esti "tilighelta"); inveças sa Archeolacerta bedriagae est un'endemismu sardu-corsu e tenit tres bariedadis.

  Is sutaspètzias de pillonis sardus funti medas: su cucumeu Athena noctua sarda, su cucu Cuculus canorus sardus, su stori Accipiter gentilis arrigoni, su tidòri o columbu aresti Columba palumbus ghigii, sa tùrturi Streptopelia turtur moltoni, su cruculeu Passer hispaniolensis arrigonii e aici nendi finsas a su prus piticu de totus ki di nanta "ogu 'e boi" o "topi de mata" Troglodytes troglodytes koenigi

  Is mamàferus funt unus cantu, su prus connotu esti su muvroni Ovis musimon (end. sardu-corsu). A pustis su cerbu Cervus elaphus corsicanus sutaspètzia sardu-corsa de su cerbu europeu, su sirboni Sus scrofa meridionalis, sa bukemeli Mustela nivali boccamela, su gatu aresti Felix libica sarda, su marjani Vulpes vulpes ichnusae, su mailloni o maidopi Glis glis melonii ki funti sutaspètzias.

  Nci teneus medas baballotis puru, ke a su carrabusu Typheus hiostus, sa Cincidelia campestris saphyrina a colori amurau o su calacasu Papilion hospiton endemismu sardu-corsu ki da pigant in cunsideru ke a una de is cuatru spètzias de baballotis prus in perìgulu de sparessi in totu su mundu.

  Atras spètzias ki s'agatant una borta imoi no du-i funti prus jai, ma su mesi passau in d-una gruta anti scobertu una spètzia noa de tzurrundeddu e forsis atras spètzias noas nd'ant'agatai.
Arricardu Serreli, Friarju 2004