A largu de is losas noas
in fundu de su campusantu
tellas beças arrimadas
cubertas de lana birdanja;
in mesu cumpàrinti
arretratus scolorius
de òminis sèrius a capeddu
e de fèminas lanjas e sfistadas.

E castiendi beni is facis
mi 'enit a pensai:
ma kini fìanta custus?

E ita anti lassau?

A pustis m'acatu
de s'olvidu fridu
ki dus at cubertus,
ki at cubertu totu.

Mi strinju sa jakita
e no agatu s'alientu
de circai de ndi sciri de prus.