A pustis de unu delìriu
de birdi e di oru
seu arribada a Seui.

Apu biu
sa terra bruna e pastosa,
a pena arandada de s'aràlidu
e is arrùbius arançaus
de su pàmpini morendi,
is pibionis de su calavrigu spinosu
a colori 'e sànguni
in pampas prepotentis,
e is ùrtimus pillonis
in celu
a nuis àndanta.

Is crabeturas amòstant a su soli
is coloris antigus.

In sa terra manixada
cun jometria spantosa
is filixeddus nous
de su trigu ancora ebra.

Candu arribu a Seui
m'atòbiat s'imprassu
de su friscu de su scurigadroxu.