A is nannais nostas
dis depeus arreconnoscèntzia
e arreconnoscimentu,
dis depeus torrai is anagràtzias.
Seus nasças de s'orba insoru
e orba eus tentu in sa vida.

Issas
cundaxi apretziau de sentidu.

Sa vida dis currispundiat
e no portanta sbuidus
in is intrannyas is disijus
de fillus no nasçus.
In sa personi insoru
cumentzat e acabat
su mundu.

Is nannais nostas
s'anti stimau
s'ant imparau a fueddai
sa lìngua de su bratzolu
ki carìnnyat is origas
e bènat cument''e akua lìmpia.

S'ant imparau
a cumprendi
a connosci,
s'ant imparau a bivi.

E si funti smeradas
po si lassai domu e pani
terra e froris.