No m'anti lassau sola

A is amigas mias
ki m'ant imboddiau
in sçallus de stima
e m'ant ingiriau
cun cannacas de amori.

A is amigas mias
ki m'ant acumpanjau
candu fia in d-una santzainedda
suspèndia in s'àiri
in sa 'ia de sa timoria,
de sa sprama, de sa maladia
e m'ant acumpanjau
candu seu torrada
a peis in terra
in sa 'ia de sa saludi
de sa biatzesa, de un'atra joventudi.

A is amigas mias
cumpanjas e sorris
tiernas e fortis
dis depu meda.

A is amigas mias
dis depu vida.