|
A ti nç'amollai tui e totu
[intrada]
Càstia, ki tui iast a tenni unu corpu sceti,
una possibilidadi de tenni totu su ki as sempri disijau...
Abeta unu pagu, d'iast a açapai o ti d'iast a lassai fuiri?
[primu cruba]
Is pramus suus funti sudaus,
is genugus dèbilis, is bratzus grais
Du at jai caçadura in sa ferpa sua,
is macarronis de sa mama
Est de spètzia mala,
ma dònat a biri de essi sullenu
e prontu a alliberai bombas,
ma sighit a scaresci su ki at scritu,
sa genti tzèrriat aici a forti
Issu oberit sa buca,
ma is fueddus no bòlinti bessiri
Est allupendisi',
imoi ki totus du funti fendi a befas
Su tempus esti spaçau,
acabau, bloa'!
Tòrrat a sa realidadi,
si ndi spèsat sa gravidadi,
si ndi spèsat "Rabbit",
tenit pensamentus atrupellyaus
Est arrennegau meda,
ma no s'at'arrendi
Berus? No
No du podit aguantai,
connoscit donnya arrenconi de sa tzitadi sua
No ndi fait nudda, issu est togu
Issu du sciri, ma est pòburu
Est aici treulau
ki candu tòrrat a sa domu moviditza cosa sua,
di benit gana de torrai
a su stùdiu de arregistradura
Totu custa massarada de rap
Iat a fai cosa bona a açapai cust'arratu
cun sa spera ki no acabit
[torrada]
Fais cosa bona a ti nç'amollai tui e totu in sa mùsiga
e candu da tenis est mellus ki no ti da lèssasta fuiri
Tenis unu corpu sceti, no perdas s'ocasioni de arrennesci
Custa est s'ùniga possibilidadi ki tenis in sa vida tua
[segundu cruba]
S'ànima est fuendi de custu stampu
ki s'est amanniendi
Custu mundu est de mei
ca su godanju mi fait urrei
in su mentras ki si moveus
faças a un'apoderamentu nou de su mundu
Sa vida normali fait arrosci
ma essi famaus meda
ti fait acabai in sa tumba
Benit prus difìtzili sceti,
prus callenti sceti
Issu si fait asseliai a totus,
custas bagassas s'apòddant a issu
Spetàculus de una costera a s'atra,
est connotu ke bagamundu
Arrugas pagu trastijadas,
Deus sceti du sciri
Esti cresçu atesu de domu,
no est unu babu de famillia
Tòrrat a domu,
fiat acanta de no arreconnosci sa filla
Tupadi' su nasu ca imoi benit su sçacu
Is capus suus no du bòlinti prus,
est arroba beça
Anti pigau un'atru a repai
Issu tenit sa faci de unu bravu piçocu
e no at bèndiu nudda
Aici sa telenovela d'anti contada e scoviada
Forsis est beça,
ma s'arrìtimu sighit
de-re-dum de-rum-da
[torrada]
[cruba de tresi]
Acabau su jogu,
ap'a mudai su ki nanta arràbiu
Ap'a segai custa merda de teulada
ke a duus canis in d-una càbia
Femu brullendi a s'incumintzu,
imoi seu de un'atra spètzia
M'anti matziau e torrau a spudai,
m'anti bogau a sonu 'e corru de su palcu
Ma apu sighiu a repai
e a-i scriri su nùmeru benidori
Est mellus a crei
ki calincunu est paghendi is gastus
Totu su dolori ki tengu a intru
est amanniau de su fatu ki sciu
ki no nci da potzu fai
a traballai de is 9 a is 5
E no potzu donai a sa famìllia mia
una vida comenti si spètat
ca, o fra', custus maladitus assinnus po papai
no àndant a comporai
is pannixeddus po sa pipia
No est unu firmi,
no du at Mekhi Phifer,
custa est sa vida mia
E custus tempus funti prus traballosus
e si fàinti sempri prus traballosus
Circu de amellorai s'arti mia,
in prus biu su disdoru lompendi,
ca seu babu e "primu dona"
Sa disdiça de mama sighit a tzerriai
i est tropu po mei,
po abarrai in d-unu logu,
un'atru cuntzertu o no'
Totu custu m'at portau a essi
ke a unu sitzicorru
Depu agatai una trassa
a primu de d'acabai in presoni o bociu
Essi famau
esti s'ùniga cagada de sçobera ki tengu,
su faddimentu no'
Mama, deu ti stimu,
ma custa arregistradura depit andai a innantis
No potzu imbeçai in Salem's Lot
Duncas a mi nd'andai de innoi
esti su corpu miu
Peis mius no mi traixeis
ca custa est s'ùniga possibilidadi ki tengu
[acabada]
Podis fai totu su ki ti ponis in conca, amigu miu
|