www.sardu.net
A su mercau
de Danieli Sanna
|
Is itzèrrius, jai de foras,
s'intendint a totu is oras
"ayò su pisci" aboxìnat su bendidori
cun boxi sarragada de abeliadori.
Lòmpiu a intru, unus cant''e girus mi fatzu
cirkendi beni in mesu a-i cussu stragatzu
pisci friscu de donnya calidadi
ki a su fragu depit nai sa beridadi.
Balla ki a mei no mi da fàinti sa troga,
càstiu beni ki sa gaja no siat groga,
deu da bollu biri a colori arrubieddu
siat a su spirritu ke a su maçoneddu.
Ma una borta agatau su pisci bonu,
ki de su mari depit tenni ancoras su sonu,
mi fatzu pigai de sa furighedda
bisendiddu arrustiu o a cassoledda.
Cus is sakitas prenas de pisci jumpiendi
m'arregordu ki una fèmina m'est abetendi,
impensamentada po su ki d'ap'a portai
e po is pinjadas ki at a depi strexai.
|
|
Danieli Sanna, Martzu 2003
|
|
|
|