Çau piçocus ! Mi nanta Andria. Seu andendi  a nde un'amigu. Benei cun mei !

Çau Juanni, ita ses fendi ? A no du bis  ki seu joghendi  a computadora ?

E ita jogu  ses fendi ? Seu ghiendi un'astronavi e depu sparai a totu is inimigus !

Po ita no benis a jogai cun mei  a boça ? No' ! Bollu bociri totu is astronavis allenas !

Passièntzia ! Intzandus bandu a jogai a solu ! Nooo' ! Is allenus m'anti segau s'astronavi !

Aici imparas a no bolli jogai cun mei ! O balossu !

 

Çau piçocus ! Oi seu a ollieras de soli noas... bollu biri ita mi nanta is amigus mius.

Çau Erricu, e ita parit ? Çau Andria, a ollieras noas sesi ? Tropu togu !

Eya, das apu comporadas ariseru... das apu pagadas duxentus francus. Mmm... t'anti cullyunau.  Deu a-i cussas ollieras das apu bias prus a baratu !

Çau Sìrvia, e ita parit ? Çau Andria !  Oi ses stravanau ! A ollieras noas sesi ?

Eya, das apu comporadas ariseru... das apu pagadas... em... centu francus. Bravu Andria !  As fatu un'afàriu bonu! Ses tropu bravu e bellu !

Forsis m'anti cullyunau, perou mi seu fatu sa pivella !

 

Oi mama m'at nau a castiai a fradixeddu miu...

... est unu pipiu unu pagu arrevesçu...  spereus in bonu ! Arrevesçu ast 'essi tui, o scimpru.

O bellixeddu, circa de mi d'acabai, asinuncas... Asinuncas ita mi fais ? La' ki deu du nau a mama! Marranu !

Marranu a mei ? Imoi ti ndi bogu su çuceddu e ti nci du ghetu a s 'àliga ! buaaa...buaaa... su çuceddu miu bollu, su çuceddu miu bollu !

Ne' su çuceddu... fais a bonu imoi ? No' ! E candu tòrrat mama di nau su ki m'as fatu ! O scimpru !

Donnya borta est aici... imoi perou di fatzu su kirighitu e du fatzu arriri, aici si ndi scarescit de totu e no nàrat nudda !

 

Mi bollu fai una passillada... mancai agatu a calincunu de is amigus mius.

Çau Lisandru, toga sa mascannya ! E ita noas ? Seu cantendi in  d-una banda Rock... da bolis intendi una cantzoni mia ?

Eya, faimidda intendi ! " Sa banda mia est unu spantu ascurta  beni  custu cantu... "

Mmm... " ... amigu miu ascurta a bonu  de sa ghitarra su bellu sonu ! "

Mmm... bravu meda... it ' ideas tenis po su benidori ? A mannu bollu essi unu cantadori arricu e famau !

Be', o piçocus , deu bandu a domu a mi ndi pigai su peracu... oi de seguru at a proi !

 

Mama m'at nau a comporai su pani. Imoi andu  a butega.

Saludi  Sennora Maria. Çau Andria, comenti ti potzu serbiri?

Po prexeri, donghimi' unu kilu de pani e un'imboddicu de patateddas fritas. Abàstanta duus francus? Su pani fait unu francu e mesu e is patateddas funt a 40 arrialis, duncas ti depu 10 arrialis de arrestu.

Beni meda, Sennora Maria, a si torrai a biri  cun saludi. Saludi a tui,  o Andria,  e saludami'  a mamai tua.

Çau mama, ne' su pani e 10 arrialis de arrestu.  Sennora Maria m'at nau puru  a ti saludai. Atru ke saludi !  Su pani a nde cussa fèmina est benendi sempri prus caru !

O piçocus, custu contu fiat sceti po si fai cumprendi ita bolit nai a fai " su fogheri " ! Bosatrus perou no depeis fai aici !

  #6

Labai, est arribendi Lisandru....

Çau Lisandru, ma sempri a pilus spramaus sesi? E tui sempri a ollieras mannas de soli sesi?

Toca, gi d'apu cumprèndiu ki ses imbidiosu... is ollieras mias funti meda prus togas de is tuas! E citidi'! Ses tui s'imbidiosu... e it'esti? mamai no bolit a ti fai cresci is pilus longus?

Nossi'! Sa kistioni esti ki a mei is pilus longus no mi pràxinti, duncas... ...duncas, duncas, sa gatu cun is farruncas!  e naraddu ki esti mamai ki ti bolit arrisigai! :-D

Ascu', fai coment''olis... tui ti nd'abarras a conk''e pinzellu e deu a conka arrisigada! 'Ci podis contai! Deu no mi fatzu arrisigai... Mi fatzu a conk''e pinzellu po essi meda prus bellu...

M'at a tocai a di donai arrexoni,  asinuncas no mi d'acàbat  prus cun is arrimas... custu si creit de essi arrepadori togu!