Su ki serbit (po ses personis) :
- 600 gramus de farra de trigu tostau
- 500 gramus de tomata po bannya
- 5 ous friscus
- 1 culliera de butiru
- 1 dexilitru de ollu de olia
- 200 gramus de lardu de porcu
- 1 cibudda frisca
- 1 tìtula de allu
- unus cantu de follas de perdusèmini
- 600 gramus de cardulinu boletu (o 300 gramus de cussu sicau
de torrai a unfrai in s'akua buddendi)
- 200 gramus de casu stasonau de brebei
- sali
Aprontaus sa pitantza
Suexeus sa farra impari a is ous, su butiru, unu pagu de sali e unu pagu de akua
tèpida. Da traballaus beni e feus de manera ki abarrit tostadatza. Da feus
arreposai a su callenti lassendidda beni tupada cun d-unu pannu de lana. Candu
benit a essi elàstiga, da cracaus a sfolla cun d-unu tùturu e a pustis da segaus
a tallarinus. Poneus is tallarinus a asçutai.
Trisinaus s'allu, su perdusèmini, sa cibudda; dus poneus a imbrundai in d-unu
tianu cun ollu callenti. Açungeus su cardulinu limpiau e aminudau, lassaus a coi
finsas a fai svaporai s'akua. Açungeus sa tomata aminudada e limpiada jai de su
pillu e de su sèmini, poneus sali a prexeri.
Poneus is tallarinus a coi in d-una pinjara cun akua salia buddendi. Candu funt
acabaus de
coi, ndi dus bogaus de s'akua e dus poneus in d-una supera de còssiu impari a sa
bannya de cardulinu.
Candu dus poneus in is pratus, a donnyunu d'açungeus unu pagu de casu tratau.