- 300 gramus de pani carrasau
- 6 ous friscus
- 150 gramus de casu de brebei stasonau
- 500 gramus de tomatas
- 200 gramus de petza picada
- 1 tomata sicada
- 1 cibudda
- 1 o 2 tìtulas de allu
- 2 follas de afàbica
- unus cantu de follas de perdusèmini
- ollu de olia
- sali
Aprontai sa pitantza
In d-unu tianu poneus a callentai unu pagu de ollu de olia,
nci ghetaus sa tomata aminudada, ken''e sèminis ni pilloncu, sa cibudda,
s'allu, e su perdusèmini trisinaus, sa petza picada e sa tomata sicada. Feus
coi sa bannya a fogu basçu e no da feus callai tropu. Açungeus su sali ki
abisònjat.
Aminudaus su pani carrasau, du poneus a amoddiai in d-unu tianu cun brodu o akua
salia callenti. Pigaus ses pratus po minestra e nci di spainaus unu pagu de bannya in su fundu. A
pustis feus un'arrasu cun su pani amoddiau, nci di spainaus a pitzu unu pagu de
bannya e nci di ghetaus unu pagu de casu tratau. Torraus a fai un'atru arrasu de
pani, de bannya, de casu tratau e sigheus aici finsas a preni su pratu.
Segaus is ous e dus poneus a coi in su brodu o in s'akua salia buddendi (fendi
su ki nanta "ou in camisa").
Poneus un'ou in donnya pratu e d'amesturaus beni cun su pani. Ki su pani
abàrrat unu pagu sçutu, d'açungeus calincuna cullyera de brodu. Tupaus su
pratu cun d-un'atru pratu e du lassaus arreposai po mes'ora de manera ki is
saboris s'amestùrinti beni.
Is binus cunsillaus funti su Cannonau nieddu e sa Mònica.