Su ki serbit (po ses personis) : 

• 200 gramus de fasolu sicau
• 300 gramus de patata
• 150 gramus de casu de fita (de craba)
• 100 gramus de lardu saliu
• 1 tìtula de allu
• 180 gramus de frègula sarda
• sali

Aprontai sa pitantza 

In d-una pinjara manna e arta feus buddiri sa patata segada a dadixeddus, su fasolu fatu amoddiai in akua frida de sa di' prima, s'allu aminudau e su lardu "capulau", est a nai pistau in d-unu talleri cun d-unu corteddu. Açungeus su sali ken''e smanai ca su casu de fita est saliu meda. A metadi de sa coidura açungeus su casu de fita sçakuau cun akua frida, po ndi bogai unu pagu de saliu, e fatu a fitixeddas po du fai scallai beni. Murigaus beni e a s'acabu poneus sa frègula sarda e sigheus a murigai donnya intanti de manera ki sa pasta no s'apoddit a su fundu de sa pinjara.

Is calidadis de binu cunsilladas funti su Cannonau nieddu e sa Mònica.