Su ki serbit (po ses personis) :
- 500 gramus de malloreddus (sardus!)
- 500 gramus de cavureddu (biu!) fèmina cun is ous
- 1 kilu de tomata po bannya
- 1 decìlitru de ollu de olia
- una tassa de malavasia
- 2 tìtulas de allu
- unus cantu de follas de perdusèmini
- sali
- pipireddu
Aprontaus sa pitantza
Limpiaus sa tomata boghendindi su pillu e su sèmini, e da feus a arroghixeddus. Limpiaus su
càvuru, ki depit essi biu amarolla, tirendindi is tanallas, is cambas e su culaçu. Pigaus unu tianu,
feus callentai s'ollu e nci ghetaus su càvuru. A pustis de
calincunu minutu nci ghetaus sa malavasia e feus coi finsas a da fai callai.
Açungeus sa tomata, s'allu e su perdusèmini trisinaus, sali e pibireddu a
prexeri. Feus coi finsas a fai callai sa bannya.
Poneus is malloreddus a coi in d-una pinjara cun akua salia buddendi. Acabaus de
coi e bogaus de s'akua, dus poneus in d-una supera de còssiu impari a sa
bannya.
Candu poneus is malloreddus in is pratus, a donnyunu d'açungeus unus cantu de
cavureddu.