Su ki serbit (po ses personis) :
- 500 gramus de malloreddus (sardus!)
- 300 gramus de sartitzu friscu cundiu cun sa matafalua
- 1 decìlitru de ollu de olia
- 2 tìtulas de allu
- 1 kilu / 1 kilu e mesu de tomata po bannya
- calincunu filixeddu de tzafaranu
- 3 follas de afàbica
- sali
- 120 gramus de casu de brebei
Aprontai sa pitantza
Aminudaus sa tomata. Segaus su sartitzu a tankeddus e du feus arrubiai in s'ollu
callenti finsas a candu est cotu. Bogau su sartitzu de su tianu, in s'ollu de su
sartitzu e totu coeus is tìtulas de allu finsas a das fai imbrundai. Bogau
s'allu, poneus a coi sa tomata e açungeus unu cucirinu de sali. Candu sa bannya
est pronta açungeus s'afàbica, su tzafaranu e su sartitzu, e murigaus beni de
manera de amesturai totu is saboris.
Poneus is malloreddus a coi in d-una pinjara cun akua salia buddendi. Acabaus de
coi e bogaus de s'akua, dus poneus in d-una supera de còssiu impari a sa
bannya.
Candu poneus is malloreddus in is pratus, a donnyunu d'açungeus calincunu
arrogheddu de sartitzu e unu pagheddu de casu tratau.
Papendi is malloreddus a sa campidanesa su mellus binu de bufai esti su Cannonau
nieddu.