Su ki serbit (po ses personis) :

• 1 conillu de unu kilu
• 1 decìlitru de ollu de olia
• 1 pistinaca
• 2 costixeddas de àpiu
• 1 cibudda bianca
• 1 cibudda frisca
• 1 tìtulas de allu
• 2 follas de lau
• 1 arrampixeddu de murta
• afàbica, tzìpiri (o arrosomarinu), sàrvia
• mesu lìtru de binu arrubieddu
• sali
  

Aprontai sa pitantza

Sçacuaus su conillu, du feus stiddiai, d'asçutaus e du segaus a tankeddus.
Pigaus unu tianu de còssiu, nci poneus is tankeddus de su cunillu, su binu e totu is birduras segadas a arrogheddus. Feus scabeçai su conillu po tres oras. Du bogaus e du poneus a arrubiai in d-un'atru tianu cun ollu callenti, sa cibudda bianca segada a fitixeddas e unu pagu de sali. Comenti sa petza comìntzat a s'indorai, açungeus su binu cun is birduras e sigheus a du fai coi a fogu basçu.
Acabada sa coidura, picaus sa birdura, d'amesturaus cun sa bannya abarrada in su fundu de su tianu e da spainaus a pitzu de is tankeddus de conillu jai postus in su pratu de serbiri.

Su binu cunsillau est unu cannonau nieddu o arrubieddu.