|
Su ki serbit po ses personis:
- unu kilu de cardulin''e petza
- unu dexilitru de ollu de olia
- duas tìtulas de allu
- unus cant''e follas de perdusèmini
- unu pibireddu arrùbiu
- su suci de mesu limoni
- unu cuartu de litru de crannatza
- sali.
Aprontaus sa pitantza
Sçacuaus su cardulinu, du
segaus a arrogheddus, du poneus a coi in d-unu tianu cun d-unu pagu 'e sali
finsas a fai svaporai totu s'akua insoru.
In d-un'atru tianu poneus a callentai
s'ollu, feus indorai s'allu e su perdusèmini trisinaus, açungeus su cardulinu,
sa crannatza e su pibireddu.
Candu sa crannatza esti callada, açungeus su suci de limoni e lassaus a coi
finsas a du fai açupai beni de su cardulinu.
Serbeus su cardulinu callenti acumpangendiddu cun d-unu binu Vermentinu.
|