Su ki serbit po 6 personis:
- 1,5 kilugramus de calamarus
- 300 gramus de ançova
- unus cantu 'e follas de perdusèmini
- duas tìtulas de allu
- un dexilitru de ollu de olia
- sali e pìbiri
- una dìscua pani tratau
Limpiaus is calamarus. Poneus is sacus a una parti, is cambas e is concas a buddiri po
dexi minutus ki a pustis das aminudaus e das poneus in d-unu pratu ki manijaus po
aprontai su fartziu; açungeus s'allu e su perdusèmini trisinaus, sa prupa de
s'ançova, su pani tratau, unu pagu de ollu, e amesturaus beni beni.
Fartzeus is sacus de is calamarus e dus serraus cun d-unu lìmpia dentis o cun
d-unu skidoneddu. Dus
poneus in d-unu tianu cun ollu, dus furriaus po dus ollai beni, e poneus su
tianu in su forru a 200 gradus. Donnya intanti furriaus is calamarus in su
mentras ki funti coendi.
Serbeus is calamarus fartzius acumpangendiddus a binu Nuragus o Bermentinu a 8
gradus de temperadura.
|