Su ki serbit (po ses personis) : 

• unu kilu de cardulin' 'e petza 
• unu dexilitru de ollu de olia
• una tìtula de allu
• una cibudda
• una costixedda de àpiu
• 400 gramus de tomata
• 50 gramus de butiru
• 450 gramus de arrosu
• 150 gramus de casu de brebei saliu
• sali

Aprontaus sa pitantza 

 

Sçacuaus su cardulinu, du segaus a arrogheddus e du poneus a coi a fogu basçu. Candu a su cardulinu coendi nci di bessit sa primu akua, ndi da bogaus finsas a ndi preni una tassa ki poneus a una parti. Açungeus unu pagu de sali e lassaus a coi su cardulinu finsas a fai sçutai totu s'akua.

 

Trisinaus sa cipudda, sa pistinaca e s'àpiu, ndi bogaus su pillu e su sèmini de sa tomata e da feus a arrogheddus piticus. Feus callentai s'ollu in d-unu tianu mannu, poneus a indorai sa cipudda, sa pistinaca e s'àpiu, açungeus sa tomata, su sali, s'allu e su cardulinu ki eus cotu jai. 

In d-una sartània feus acotai s'arrosu cun su butiru e cun s'akua ki nd'eus bogau de su cardulinu coendi. Candu s'akua s'esti sçutada, poneus s'arrosu in su tianu mannu, impari a totu s'atru, e d'acabaus de coi. Candu esti cotu, nci di ghetaus su casu e du serbeus callenti.

 

Acumpanjaus custa pitantza cun d-una Mònica de Campidanu.