S'anjoneddu a cassola est una de is tantis maneras de coi s'anjoneddu de lati in Sardinnya. Est un'arritzeta manijada meda in Campidanu, esti ligera e saboria. 

Su ki serbit (po ses personis) : 

• 1 kilu de prupa de anjoni
• 3 tìtulas de allu
• unus cantu de follas de perdusèmini
• su suci de unu limoni
• 1 decìlitru de ollu de olia
• 2 cuceronis de brodu
• sali

Aprontai sa pitantza 

Segaus sa prupa de s'anjoni a dadus. Poneus s'ollu in d-unu tianu e du feus callentai, a pustis poneus sa petza, su perdusèmini trisinau e s'allu ki depit essi unu pagu strecau.

Poneus su sali ki abisònjat e donnya intanti, in su mentras ki sa petza est coendi,  poneus unu pagu de brodu, mellus ki siat brodu de anjoni e totu.

Candu sa petza est acanta de essi cota, ndi bogaus is tìtulas de allu e poneus su suci de su limoni. Artziaus su fogu e murigaus sa petza finsas a fai callai sa bannya. 

Serbeus sa petza callenti.

Is binus cunsillaus funti: Girò de Casteddu e Carinnyanu de su Surcis