Lunis ndi benit de su latinu lunae dies, ki bolit nai di' cunsagrada a sa luna.

Martis ndi benit de su latinu Martis dies, ki bolit nai di' cunsagrada a Marti, ki po is arromanus fiat su deus 'e sa gherra.

Mèrcuris ndi benit de su latinu Mercurii dies, ki bolit nai di' cunsagrada a Mercùriu, ki po is arromanus fiat su deus 'e su mercau.

Jòbia ndi benit de su latinu Iovis dies, ki bolit nai di' cunsagrada a Jobi, ki po is arromanus fiat su cabu 'e is deus.

Cenàbara ndi benit de su latinu coena pura, ki bolit nai cena acrisolada, ca custa di' is judeus no papanta petza, po essi lìmpius in su corpus e in s'ànima po s'incrasi, ca po is judeus sa di' 'e festa arrelijosa esti su sàbudu (e no su domìnigu).

Sàbudu ndi benit de su judeu shabbath, ki bolit nai 'firmadura in su traballu', ca po is judeus custa esti sa di' 'e festa arrelijosa.

Domìnigu ndi benit de su latinu 'e sa crèsia dominica dies, ki bolit nai di' de Deus.