www.sardu.net - artìculu - Dexi cidas de Lìngua Sarda

      A fai balantzus est una cosa ki mi bessit traballosa sempri: at'essi ca, a imparadori e totu, pensu ca is ùnigus a tenni nòmini po fai balantzus siant is istudiantis e totu. At'essi ca pensu ca a primu, inveças de essi nosu imparadoris a jugiai is istudiantis, depant essi is istudiantis a jugiai is imparadoris.
     Fatu esti ca su parri miu mi tòcat a du nai acetotu, e insaras circu de cumprendi de donnya manera ki is imparantis funt abarraus satisfaus, cun sa cunfiantza ki una personi ki est abarrada satisfada de s'imparamentu, at'essi, mancai ki no illuegus, una personi ki d'at a pratigai totu.
     Un'aina bona po cumprendi su satisfamentu de is personis funt is preguntàrius, e no est mancu po nudda ca funt umperendidda sempri de prus in donnya logu. Po cussu, custu at'essi unu stùdiu prus ki atru a pitz''e is preguntàrius de acabu ki ant intregau is istudiantis, po su ki spètat a su cursu siat de arfabetadura (Otonju 2002), siat adelantau (Beranu 2003).

Cursu de arfabetadura (Otonju 2002 - 28 oras) (2)

Fìanta 26 studiantis (14 mascus e 12 fèminas) (3) , 18 ant intregau su preguntàriu.

Is nùmurus funti su votu mesanu ki anti donau a sa parti de cursu (de 0 a 10).

Interessu de is argumentus presentaus (parti istituidali)	8,5
Interessu de is argumentus presentaus (parti monogràfiga) (4)	8,1
Calidadi de is ispricaduras	8,6
Calidadi de is fainas (5)	7,4
Puntualidadi de imparadori e ligidori	8,2
Calidadi de s'aposentu	7,4
Mannària de su spàssiu	8,4

Dis apu preguntau a issus e totu ita votu s'iant'essi donaus po su ki iant imparau, e nd'esti bessiu, a votu mesanu de totu sa crassi, 7,3.

Anti spricau ca no iant imparau de prus po curpa de:

amancu de tempus po studiai in domu (6 personis)
amancu de pràtiga cun su sardu (1 personi)
amancu de cuntzentradura (1 personi)
cursu tropu curtzu (1 personi)

Issus e totu anti nau ca, gràtzias a su cursu, funti lòmpius a:

scriri casi beni (6 personis)
cumprendi su sardu (4 personis)
sciri ligi (2 personis)
connosci atra genti de coru sardu (6) (2 personis)
connosci sa gramàtiga (2 personis)

e in prus:

connosci sa stòria de sa lìngua sarda, arrennesci a nci bogai sa bregunja, imparai a fai is noulogismus, imparai a kistionai, connosci is atras bariedadis, connosci sa lìngua de manera scentìfiga, imparai fueddus e maneras 'e nai.

Anti nau de no essi arrennesçus ancoras a:

scriri ken''e faddinas (4 personis)

e in prus:

kistionai beni, imparai a fai is noulogismus, imparai fueddus pagu connotus, ligi, imparai sa gramàtiga, imparai atras bariedadis (logudoresu e nugoresu).

Totus ìanta scritu ca dis iat'essi praxu a sighiri atrus cursus de sardu, e 17 pensanta de sighiri a studiai su sardu a solus puru.
Anti nau ca dis iat a praxi a studiai mellus:

etimologia (4 personis)
gramàtiga (3 personis)
noulogismus (3 personis)
grafia (2 personis)

e in prus:

ligidura, connotu, storia e curtura sarda, kistionai, linguìstiga stòriga, diçus antigus e sintzillus, fonètiga antiga, sardu antigu, logudoresu.

In 17 anti nau ca dis iat'essi praxu a traballai cun sa lìngua sarda, po bessiri:

tradusidoris/as (7 personis)
scriidoris (5 personis)
buscadoris/as (7) (4 personis)
imparadoris (3 personis)
jorronalistus (2 personis)
ghias de naturalesa (2 personis)
abivadori/a (1 personi)
ajorronadori gràfigu de sa literadura sarda (1 personi)

Cursu adelantau (Beranu 2003 - 20 oras)

Fìanta 22 studiantis (12 mascus e 10 fèminas) (8) , 18 ant intregaus su preguntàriu.

Is nùmurus funti su votu mesanu ki anti donau a sa parti de cursu (de 0 a 10).

Interessu de is argumentus presentaus	8,3
Utilidadi de is argumentus	8,7
Calidadi de is ispricaduras	8,4
Calidadi de is fainas (9)	8,4
Mannària de su spàssiu	8,4

Anti scritu ca iant ai bòfiu studiai de prus:

totu, ma po su tempus tentu abastat aici (7 personis)
gramàtiga (5 personis)
ligidura (2 personis)
atras bariedadis (1 personi)
fonètiga (1 personi)
etimologia (1 personi)
verbus (1 personi)

Issus e totu anti nau ca, gràtzias a su cursu, funti lòmpius a:

fueddai mellus (2 personis)
scriri mellus (2 personis)
ligi mellus (2 personis)
kistionai in sardu a su mancu pagu pagu (1 personi)
cumprèndere menzus su campidanesu (1 personi)
sciri unu pagu de gramàtiga (1 personi)
cumprendi sa lìngua sarda (1 personi)
kistionai de prus in domu (1 personi)
sciri unu pagu de verbus (1 personi)

Issus e totu anti nau ca no funti lòmpius ancoras a:

a connosci sa gramàtica e, prus de totu, sa sintassi (2 personis)
a kistionai e scriri cun siguresa (2 personis)
a kistionare su campidanesu (1 personi)
a scriri beni (1 personi)
a umperai beni is acentus (1 personi)
a imparai tzertus verbus (1 personi)
cosa meda (1 personi)
a ligi beni (1 personi)

E anti nau custas arrexonis:

pagu tempus po studiai (4 personis)
su stùdiu de scola bògat çorbeddu meda (2 personis)
a mericeddu est tostau a cumprendi totu (1 personi)
seu sbentiada e traballu pagu a domu (1 personi)
ca no seu campidanesa, seu nugoresa (1 personi)
seu burrica (at'essi ca liju pagu) (1 personi)
serbint atras ainas (1 personi)
seu tropu burrica (1 personi)
no eus fatu totu (1 personi)
pagu pràtiga (1 personi)
seu malu (1 personi)

16 anti cunfirmau ca bòlinti traballai cun su sardu, cumentzendi calancunu traballeddu illuegus e totu, po bessiri:

tradusidoris/as (11 personis)
scriidoris/as e/o poetas (6 personis)
jorronalistus (6 personis)
ligidoris/as (5 personis)
pintoris/as e/o gràfigus/as (2 personis)
informàtigus (2 personis)
teatru (2 personis)
arkitetu (1 personi)
totu (1 personi)

Tancadura

Ken''e tancadura, ca sa tancadura nd'at a bessiri a sola de su ki feus, imparadoris e studiantis, studiantis e imparadoris.
A si biri cun saludi, traballendi.