Scrii a www.sardu.net
 

Poni www.sardu.net
a pŗgina de cumentzu
Beni bŤnniu ýrtimu ajorronamentu: 01/10/06
Domu| Arrecensiduras| Artžculus| Calendŗriu| Cantadas| Coxina| Fueddŗrius| Fumixeddus| Ideas| Literadura| Mexina| Naturalesa| Presentadas| ScŤntzia|
 Artžculus

Bilinguismu in Sardinnya e in s'universidadi puru
Dexi cidas de Lžngua Sarda
Grafia Sarda
Ita est su Bilinguismu
Lžngua sarda uniatzada: una kistioni farsa
Nci funti fueddus e fueddus
Sa Di' de sa Sardinnya est donnya di'
Sa festa de su pani
Sa scoberta de sa Sardinnya
Sŗrdara, Bidda mia
Sardu: cosa meda de incrarai
Su Sardu in s'arretza
Su Sardu po su Benidori
Tiatru e Lžngua Sarda
Toponomŗstiga de mari
 
 

artžculu de Antoni LŤpori

Ita est su Bilinguismu?


  In su libru La rivolta dell'oggetto cosa sua, Michelangelo Pira at postu a luxi crara, castiendi sa bisura de sa lžngua in Sardinnya, su fatu ki sa genti sarda est in di' de oi spartzia in ses pilladas de fueddadoris, est a nai: 1. is ki no connÚscinti po nudda sa lžngua sarda e tenint una connoscŤntzia, tanti po nai, "prŗtiga" de sa lžngua italiana; 2. is ki tenint una connoscŤntzia prŗtiga de sa lžngua sarda e nisÁuna connoscŤntzia de s'italiana; 3. is ki connÚscinti pratigamenti e scentifigamenti s'italianu, ma nudda scinti de sa lžngua sarda; 4. is ki tenint una connoscŤntzia prŗtiga de totu e duas is lžnguas; 5. is ki tenint una connoscŤntzia prŗtiga de su sardu, ma connÚscinti s'italianu de manera "esecutiva" e de manera scentžfiga puru; 6. is ki connÚscinti totu e duas is lžnguas de s'una e de s'atra manera, est a nai pratigamenti e scentifigamenti.

  Mancai siat cumbentzionali, cumenti de s'arrestu totu is crassifigaduras, custu skema podit essi unu puntu bonu po partiri, e nai mellus sa tenta de sa batalla po su bilinguismu. Po primu cosa est mellus a ponni in craru tzertus puntus. De medas partis anti murrunjau a is difendidoris de su bilinguismu su de bolli fai sparessi sa lžngua žtaliana de sa Sardinnya po da cambiai cun s'umperu obrigau de su sardu. Nudda est prus farsu. Bilinguismu bolit nai "umperu ufitziali de duas lžnguas", duncas s'i- talianu e su sardu iant a essi umperaus tot' e duus de sa prÚpiu manera.

  Ma su bilžnguismu depit, po no essi "tzopu" (cumenti avertit Michelangelo Pira e totu), biri puru sa connoscŤntzia "esecutiva" e scentifžga de totu e duas lžnguas, po totu is ki bivint in s'Ősula. Cun atrus fueddus, calisisiat lei po su bilinguismu ki no domandit a kini bivit in Sardinnya de connosci beni beni (e siguramenti no a pillu sceti) no s'italianu sceti, ma su sardu puru, ki no domandit a kini bolit traballai in is impreus pýbricus e privaus de sa Sardinnya sa connoscŤntzia de sa lžngua sarda, siat kistionada siat scrita, de manera ki is sardus bengant a essi bilinguis cuscentementi e fainamenti, iat a cuai mali meda su disinnu assimbilladori de sighiri a fai de sa lžngua sarda sa tzeraca de s'italiana.

  Cun su bilinguismu intreu sceti s'iat a otenni sa sparŤssida de is primus cincu pilladas lingužstigas bistas de Pira e sa nŗscida de una categoria sceti, arrapresentada oindi' de pagus fueddadoris, est a nai sa de is ki connÚscinti pratigamenti e scentifigamenti totu e duas is lžnguas.

  Custa est duncas sa tenta de sa batalla po su bilinguismu. Esti faddendisi' a sa grussa, duncas, kini du bit cumenti a unu "permissu" de fueddai e scriri in sardu. No est unu permissu, ma unu deretu-dŤpidu. Deretu po kini scit su sardu jai e podit, cun sa benida de su bilinguismu, amellorai scentifigamenti custa connoscŤntzia e umperai sa lžngua cosa sua de donnya manera; dŤpidu po is fuedda-italianu, e comuncas po kini no connoscit su sardu, de du imparai e de si fai sa cumpetŤntzia ki dis arrekedit po porri kistionai de donnya cosa, po scriri justu e po fueddai beni su sardu.

  A-i custu deretu-dŤpidu non si nci podit fuiri nisÁunus. Tanti po ndi nai una, is maistus e is professoris ki trabŗllant in Sardinnya funti solitamenti (foras pagus) screnÁosus a su bilinguismu ca-i custu iat a bolli nai po issus a depi studiai su sardu. Sa mandronia mentali no dis permitit de pensai ki su bilinguismu est una grandu cunkista democrŗtiga, e ki is tempus ki candu kini kistionat in "dialetto" a-i scola depiat finas sbussai dinai po pagai una spŤtzia 'e "multa", oi funt acabaus po sempri.

Antoni LŤpori

(bogau de "Mezzogiorno d'Europa", annu 5, n. 6, Mes''e Idas 1984, p. 32)