Scrii a www.sardu.net
 

Poni www.sardu.net
a pÓgina de cumentzu
Beni bŔnniu ¨rtimu ajorronamentu: 30/07/06
Domu| Arrecensiduras| Artýculus| CalendÓriu| Cantadas| Coxina| FueddÓrius| Fumixeddus| Ideas| Literadura| Mexina| Naturalesa| Presentadas| ScŔntzia|
 Arrecensiduras

Aleni e su contu de unu nau de trigu
Comitau.org - su jassu de su Comitau Studiantis po sa Lýngua Sarda
Contras a sa Gherra
GramÓtiga Sarda po is Campidanesus
LÓcanas. Rivista Bilingue delle IdentitÓ
Launeddas
Media Activism. Strategie e pratiche della comunicazione indipendente
"Nos'e totu" - Balentia
Sentiero Sardegna, Sentiero Italia, Sentiero Europa
Su cuadorzu
Taccuino di un poliziotto
The Eminem show - Sing for the moment
Toponomastica sarda
 

arrecensidura de Amos Cardia
Media Activism. Strategie e pratiche della comunicazione indipendente 

a cura di Matteo Pasquinelli
Ed. DeriveApprodi, Roma, 2002
  Oindi' sa comunigadura, pigada in su sentidu prus mannu ki podit tenni, no esti prus una parti calikisiat de sa vida de sa sotziedadi, ca oindi' sa comunigadura est issa e totu a cumandai sa vida sotziali. Est issa e totu a fai de manera ki sa sotziedadi siat una e no un'atra, est issa e totu a fai de manera ki sa sotziedadi tirit a unu logu e no a un'atru.

  Esti po cussu ki is meris de is grandus cumpangias de comunigadura, caliskisýanta, funti sempri prus screnšosus a arrenuntziai a calancuna fitixedda de su poderi insoru. Esti po cussu ki sempri prus genti, in totu su mundu, arren¨ntziat a circai de intrai in is grandus mŔdius 'e comunigadura, ca tanti funti serraus, e si fait issa e totu is mŔdius 'e comunigadura, po dus podi umperai cun fortza e cun libertadi.

  Custu libru fuŔddat e esti scritu de custa genti, de totu su ki anti fatu e de su ki fÓinti, pighendi realidadis de totu su mundu. Ma sa comunigadura aut˛noma est una cosa manna tropu po nci podi capi in d-unu libru sceti, e insaras innoi anti fueddau a primu 'e totu de is ki umpŔranta sa tennologia, finas sa prus adelantada, tanti ki medas bortas funti l˛mpius a meda imbentus a primu de sa comunigadura manna e ofitziali puru. E comuncas no esti ki aici su sartu si siat impiticau meda, ca s'agÓtant acetotu speriŔntzias de donnya arratza: arrÓdiu, telebisura, Arretza, fueddatesu e fueddateddu, e totu custus mŔdius torraus a amesturai, intr''e issus e totu, ma prus ki atru cun s'Arretza, ki fait sa parti prus manna.

  Su libru est unu boddeu de sÓbius, ki donniunu fuŔddat de su ki fait e de su ki ndi scit de prus, e intr''e issus e totu funti diferentis meda puru, ca Óndanta de sa semi˛tiga (sa scŔntzia ki st¨diat is sinnus e is sentidus de is cosas) a is imparamentus po pigai pelýculas, finsas a sa tennologia prus adelantada de sa computadora e de s'Arretza. Unus cantu funti lŔbius e simplis, atrus funti prus grais, ca mancai s'arreferint a cosa prus tŔnniga, prus po genti de su traballu, e un'atrus cantu fuŔddanta de polýtiga puru, ma sempri arreferendisi' a su sartu e a su traballu insoru.

  A contu fatu, a tretus sa ligidura esti traballosa puru, e podeus essi di ac˛rdiu po totu, po una parti, o po nudda cun su ki is iscriidoris nanta (e mancai po cumenti du nanta) e cun su ki iant a bolli, ma su balimentu de su libru abÓrrat totu, ca si fait connosci, de manera sŔria e pretzisa, totu una filera de mŔdius, tŔnnigas, tennologias e speriŔntzias ki de atra manera no emus a connosci. E, ki no abÓstat, po donnya argumentu nci funt arreferimentus po kini nd'iat a bolli sciri de prus.

  Oindi' ki totus fuŔddanta de ICT (est a nai de is Tennologias de Informadura e de Comunigadura, in ingresu Information & Communication Technology) custu est unu libru ki no podit amancai a totu is ki nci trabÓllant e/o nc'iant a bolli traballai cun sentidu. E, torrendi a is iscriidoris sardus, cumenti no pensai a Miali Anjulu Pira e a is librus suus (Il Villaggio Elettronico e, po una parti, La Rivolta dell'Oggetto puru) ki iant acoitau, candu pagus o nisšunus nci pensat, una parti manna de custas kistionis?


Amos Cardia

(arrecensidura pubricada jai in www.godot.it)