Scrii a www.sardu.net
 

Poni www.sardu.net
a pŕgina de cumentzu
Beni bčnniu ůrtimu ajorronamentu: 30/07/06
Domu| Arrecensiduras| Artěculus| Calendŕriu| Cantadas| Coxina| Fueddŕrius| Fumixeddus| Ideas| Literadura| Mexina| Naturalesa| Presentadas| Scčntzia|
 Arrecensiduras

Aleni e su contu de unu nau de trigu
Comitau.org - su jassu de su Comitau Studiantis po sa Lěngua Sarda
Contras a sa Gherra
Gramŕtiga Sarda po is Campidanesus
Lŕcanas. Rivista Bilingue delle Identitŕ
Launeddas
Media Activism. Strategie e pratiche della comunicazione indipendente
"Nos'e totu" - Balentia
Sentiero Sardegna, Sentiero Italia, Sentiero Europa
Su cuadorzu
Taccuino di un poliziotto
The Eminem show - Sing for the moment
Toponomastica sarda
 

 de Amos Cardia

"LAUNEDDAS" 

DE ANDREAS FRIDOLIN WEIS BENTZON

Iscŕndula, Casteddu, 2002 


      Cust’obra est unu cofinu ki tenit duus librus e tresi CD de ascurtai, i est una parti de su grandu traballu de busca ki iat fatu Andrias Bentzon, unu musikeri e antropňlogu danesu ki s’est mortu in su 1971, a corantaxinc’annus sceti.
Bentzon iat connotu sa Sardinnya po atopu, e de sa di’ no si ndi fiat stesiau prus, e fiat lňmpiu a ndi fai – ca d’iat nau issu e totu – s’arrexoni de sa vida sua. Fiat spertu in sa můsica (in Danimarca fiat unu jatzista bonu), e ŕbili acetotu in sa busca antropolňgiga: ndi fiat bessiu custu stůdiu poderosu a pitz’‘e is launeddas, ki custu cofinu est una parti sceti, ki comuncas, in su 1969, d’iant imprentau jai in Copenaghen, in ingresu.

Su primu libru descrit is launeddas a aina e totu, su ki serbit po das fai, po das allogai beni e aici nendi; is ballus fatus a launeddas e is partis tčnnigas de is sonadas, finsas a lompi a unu stůdiu a pitz’‘e su mundu de is sonadoris. A kini sonat po traballu, e ajumai arrennesciat a nci bivi, a kini sonat po discansu sceti; Bentzon si cňntat is arrelatas ki is sonadoris teniant intr’‘e issus e totu, sa manera de si passai s’arti intr’‘e is genias e aici nendi. S’agŕtant unas cant’‘e descriiduras de sonadoris ki iat connotu puru, ki si tňrrant a su tempus e a is personis de corant’annus fait de una manera simpli e crara, ke unu biaxu in su tempus.

Su segundu libru arregollit esemprus de donnya spčtzia ‘e sonada (totus pigaus funti sessantotu) torraus a pentagrama, ki Bentzon, po dus podi scriri de sa manera prus fieli ki fiat, iat imbentau e açuntu atrus sinnus musigalis puru (craramenti sprikendi su sentidu insoru in d-una ligenda), ca is de su connotu no abŕstanta po espressai una můsiga cumpria ke sa de is launeddas.
A s’acabu s’agŕtat un’arregorta de trintaduus fotografias puru, ki iat pigau Bentzon e totu, ki s’amňstanta su mundu mannu de is sonadoris de s’epňca. Sa calidadi de is fotografias est manna meda, siat in su sentidu tčnnigu, siat po sa vida e po s’energia ki ndi bessit, ca pŕrinti bias ancoras.
Is tresi CD fŕinti capi unas setanta sonadas (funti tres oras e mesu de můsiga), totus introdůsias de sa boxi de Bentzon e totu, ki nŕrat su nňmini de su sonadori e de sa sonada.

A contu fatu, Bentzon iat acutu a arregolli una cantidadi de documentus aici manna, ki oi – cumenti at nau s’imprentadori e totu – ki si femus scaresçus totu e ki bolemus torrai a pesai sa můsiga a launeddas, ajumai s’abŕstat su stůdiu de s’obra sua sceti.
A sa bon’ora, casi trintacinc’annus a pustis de sa primu imprenta, de cust’obra ndi podeus gosai nosu sardus puru, grŕtzias a su traballu de s’assňtziu 'S’Iscŕndula' ki at coidau s’imprenta de sa mellus manera, açungendi una biografia de Bentzon, sa lista de is atrus traballus suus, is arrecensiduras ki iat tentu in su tempus e atrus documentus, ke una parti de sa currispundčntzia sua.

Imoi teneus un’aina in prus po connosci, apretziai e amparai un’atra parti de sa curtura nosta, i eus a fai de manera ki bessant atrus stůdius aici, po torrai sentidu a is espressadas de sa terra nosta cun spertesa scentěfiga e cun totu is mčdius de sa modernidadi.