Scrii a www.sardu.net
 

Poni www.sardu.net
a pÓgina de cumentzu
Beni bŔnniu ¨rtimu ajorronamentu: 30/07/06
Domu| Arrecensiduras| Artýculus| CalendÓriu| Cantadas| Coxina| FueddÓrius| Fumixeddus| Ideas| Literadura| Mexina| Naturalesa| Presentadas| ScŔntzia|
 Arrecensiduras

Aleni e su contu de unu nau de trigu
Comitau.org - su jassu de su Comitau Studiantis po sa Lýngua Sarda
Contras a sa Gherra
GramÓtiga Sarda po is Campidanesus
LÓcanas. Rivista Bilingue delle IdentitÓ
Launeddas
Media Activism. Strategie e pratiche della comunicazione indipendente
"Nos'e totu" - Balentia
Sentiero Sardegna, Sentiero Italia, Sentiero Europa
Su cuadorzu
Taccuino di un poliziotto
The Eminem show - Sing for the moment
Toponomastica sarda
 

arrecensidura de Amos Cardia
"LÓcanas. Rivista Bilingue delle IdentitÓ"

Domus de Janas Editrice, Ceraxus, 2003.
   Cun custa arrecensidura obereus custa mÓngara a is jorronalis puru, e cumentzaus cun su primu n¨muru de su bimesili fundau e diriju de PÓulu Pillonca. A fai un'arrecensidura cun d-unu n¨muru sceti est un'arriscu sempri, e de prus ancoras ki est su primu, ca su naturali de s'arrebista esti fendisi' ancoras, ma comuncas, a cumentzai a ndi fueddai, ge no si fait mali.

  Is artýculus funti de donnya spŔtzia, ma a contu fatu s'arrebista tenit unu naturali de spriculamentu de is kistionis de sa curtura sarda de oi. Po imoi no s'agÓtanta ni artýculus e sÓbius de busca scentýfiga (ca in Sardinnya, po custa spŔtzia de scritus, esistint atras arrebistas de diora jai), ni artýculus e noas de avedalidadi strinta, ca custus, in d-unu bimesili, iant a imbešai a primu de essi lijus.

  Duncas, po su ki spŔtat a su cuntŔnnidu, anti fatu su sšoberu justu, perou su naturali bilingu de s'arrebista parit debileddu, ca de cat˛dixi artýculus funt in sardu tresi sceti, prus unu ki amest¨rat su sardu in mesu a s'italianu. Jai ki sa Sardinnya esti bilýngua diaderus, e sempri de prus, po si podi adelantai tenit abisonju de unu bilinguismu beru, e sempri prus sardus tenint abisonju de agatai arrebistas totus in sardu, no cun tres o cuatru artýculus in sardu sceti, in mesu a unu mari de artýculus in italianu. Is atrus jorronalis funti totus in italianu, e insaras, jai ki boleus su bilinguismu, poit'est ki custu no iat a depi essi totu in sardu?

  Sa de tresi kistionis esti su serbýtziu ki s'arrebista bolit oferri. Est craru ki unu jorronali di aici no podit bivi ken''e amanniai su n¨muru de is ligidoris suus: imoi, in d-unas cant''e personis d'eus comporau po sbŔliu, ma sighendi a innantis d'iant a depi comporai in medas po un'interessu beru, de si nunca, ke calikisiat jorronali de su mundu, no at a lompi bastanti dinai e at a serrai. E a bivi acarotaus cun su dinai de s'Arrejoni sceti, iat'essi bregunja manna.

  Fatzu custa kistioni ca oi in Sardinnya est crescendi a sa lestra sa sotziedadi tzivili ki disýjat a ligi cosa scrita in sardu, ma no contus 'e forredda e cantadas sceti, ma totu su ki a una personi di podit incapitai de ligi donnya di' in italianu e totu. In custus ¨rtimus annus custa sotziedadi tzivili est cresša meda, spešas po su ki spŔtat a is campidanesus, ca est cresša de sa furriada de cuscŔntzia ki anti tentu contras a su struminju de sa Limba Sarda Unificada, e contras a is buginus ki boliant imponni una bariedadi a pitz''e is atras. Oindi' in Casteddu ajumai no s'agÓtat unu mericeddu ken''e calancunu at˛biu de lýngua e/o de curtura sarda campidanesa. Totu custa genti est meda, e sa mayoria de is sardus fuŔddat campidanesu: at a podi arrennesci unu jorronali ken''e issus?

  Po tancai, sa norabona mellus ki podeus fai a-i cust'arrebista est a bessiri unu jorronali de totu is sardus, ki b˛linti fueddai, ligi e scriri in sardu e totu, de calikisiat bariedadi. Custu fiat su primu n¨muru: sa sotziedadi tzivili ki apu nau mandit is artýculus suus, in sardu, e eus a biri ita nd'at a bessiri.

  In su mentras, norabonas ancoras, e benibŔnnia "LÓcanas"!

Amos Cardia

(arrecensidura pubricada jai in www.godot.it)